म व्यावसायिक रुपमा लोकल कुखुरा पाल्ने सोचमा छु बासस्थान र आहारा ब्यवस्थापन सम्बन्धि प्राबिधिक सल्लाह चाहियो । सल्लाह प्राप्त भय आभारी हुनेथियँ।
खेमराज खराल
कुखुराको लागि छुट्टै खोरको आवश्यकता पर्दछ । खासगरी कुखुरालाई वस्ने र अण्डा पार्ने सुरक्षित ठाउं चाहिन्छ । हाम्रा गाउंहरुमा पाईने स्थानीय वांस, माटो, काठ, दाउरा, खरबाट कुखुरालाई कम खर्चमा राम्रो खोर वनाउन सकिन्छ । खोर वनाउंदा खोर भित्र स्वच्छ हावा वारपार गर्ने, पानीवाट वचाउने, सिकारी जिवजन्तुबाट वचाउने र घाम लाग्ने कसरी वनाउन सकिन्छ भनेर ध्यान दिनु पर्छ ।
सामान्यतया लोकल कुखुरालाई वाहिर घुम्न छोडिदिन्छौ र आफ्नो आहारा आफै खोज्छन् । तर यसले मात्र कुखुरालाई चाहिने सबै पोषण प्रयाप्त मात्रामा कुखुरालाई पुग्दैन । त्यसैले हाम्रो गाउंघरमा उत्पादन भएको मकै, चामल, गहुंको चोकर, कोदो ईत्यादि मिसाएर खान दिनु पर्दछ । यसको साथसाथै हरियो सागपात जस्तै मुला, वन्दा, काउली, रायोको पात पनि खान दिन सकिन्छ । साथै धमिरा र अन्य मरेका ससाना किराहरु, हड्डी र शंखे किराका टुक्राहरु लोकल कुखुरालाई ख्वाउन सकिन्छ । यस्तो किसिमको सन्तुलित आहारा ख्वाउन सकिएमा कुखुराको रोग संग लड्न सक्ने क्षमता पनि वढ्छ, विरामी पनि हुंदैन, चांडै वढ्छ र अण्डा ठूलो र धेरै हुन्छन् ।
